अमेरिकाको भर्जिनियामा कार दुर्घटनाबाट दुई नेपालीको मृत्यु

Laltin.com

पुस २६, २०८१ शुक्रबार

अमेरिकाको भर्जिनियामा कार दुर्घटनाबाट दुई नेपालीको मृत्यु भएको छ । मृत्यु हुनेमा ५५ वर्षीय कर्ण खड्का र २० वर्षका निश्चल भट्ट रहेका छन् ।

स्थानीय समय अनुसार बिहीबार बिहान करिब ७ बजेतिर भर्जिनियाको स्यान्टिल्ली भन्ने ठाउँमा रहेको विन्डम होटल परिसरमा उक्त कार दुर्घटना भएको हो ।

गुडिरहेको कार हिउँमा चिप्लिएर त्यहाँको पोखरीमा खस्दा दुई नेपालीको मृत्यु भएको एनबीसी वाशिङ्गटन डटकमको समाचारमा जनाइएको छ ।

उक्त कार खड्काले चलाइरहेका थिए । सो स्थानमा कार दुर्घटना भएर मानिसको मृत्यु हुनुलाई अमेरिकी अधिकारीले आश्चर्य भएको बताएका छन् ।

खड्काले सोही होटलमा हाउस किपिङमा काम गर्ने गरेका थिए । भट्टलाई सोही होटलमा काम लगाइदिने भनेर उनले होटलमा ल्याएका थिए ।

एजेन्सी